Под влијание на циклонска активност од денеска до сабота во земјата ќе преовладува претежно облачно време проследено со повремени врнежи од дожд. Од УХМР најавуваат дека пообилни врнежи, над 25 литри на метар квадрат за 24 часа, се очекуваат денес и утре.

Со спуштањето на постудена воздушна маса од север, утре врнежите на планините ќе преминуваат во снег, а дневните температури ќе опаднат за 4 до 6 степени во однос на денешните.

Стабилизирање на временските услови се очекува од недела.