САД ги зајакнаа напорите за отстранување на приливот на мигранти – претежно од Хаити – што го зафатија граничниот град Дел Рио во Тексас во текот на минатата недела, со фотографии и видеа кои во одредени кадри покажуваат агресивни тактики од агентите на граничната патрола, додека тие се обидуваат да ги избркаат мигрантите од веќе преполнетите импровизирани кампови, пренесува Форбс њуз.

На социјалните мрежи се појавија неколку вознемирувачки видеа од настаните во близина на граничниот премин, по кои следуваа бурни реакции.

U.S. border agents on horseback were seen rounding up migrants near U.S.-Mexico border, swinging ropes at them. https://t.co/GGAaGCffrI pic.twitter.com/RQJrlTeWbr

— CBS News (@CBSNews) September 20, 2021

На видеата може да се види како службениците ги камшикуваат мигрантите, нешто што во САД буди вознемирувачки сеќавања.

По бурните реакции, се огласи и Белата куќа, чија портпаролка Џен Псаки беше запрашана дали оваа употреба на коњи и камшици, е „соодветна тактика“ во земја заснована на ропство.

Ги видов снимките. Немам целосен контекст. Не мислам дека секој што ќе го види тоа видео би помислил дека е прифатливо или соодветно, изјави Псаки.

Опишувајќи го инцидентот како „предизвикувачка и шокантна ситуација“, министерот за внатрешна безбедност Алехандро Мајоркас и началникот на гранична патрола Раул Ортиз рекоа дека ќе ги разгледаат постапките на службениците на коњите кои на сликите може да се види како ги туркаат мигрантите и бегалците во реката, но тие првично рекоа дека не гледаат ништо лошо врз основа на фотографиите и снимките.

Исто така, Мајоркас издаде строго предупредување: „Ако илегално дојдете во Соединетите држави, ќе бидете вратени. Вашето патување ќе пропадне, ќе го загрозите вашиот живот и животот на вашето семејство “.

Илјадници мигранти пристигнаа под мостот што ги поврзува градовите Дел Рио во Тексас и Акуна во Мексико, а тие веќе поставиле импровизиран камп, со што му нанесоа нова главоболка на американскиот претседател Џо Бајден со која тој ќе мора да се соочи.

BREAKING: I am absolutely stunned by what I’m witnessing right now. We are on a boat in the Rio Grande near the Del Rio international bridge and we are watching as masses of hundreds of migrants walk across the river from Mexico and stream into the US illegally. @FoxNews pic.twitter.com/xXE4pDkpIe

— Bill Melugin (@BillFOXLA) September 18, 2021

Повеќе од 6.000 Хаиќани и други мигранти се отстранети од камп во пограничниот град Дел Рио, Тексас, изјавија во понеделникот некои американски официјални лица, бранејќи ги своите постапки, објави Гардијан.

Нови проблеми за Бајден, мигрантите изградија свои кампови во Тексас