6 C
Скопје

Во Зоолошка само со маски, во спротивно можно е нејзино затворање за посетители

За да не се доведеме во ситуација да се затвара Зоолошката градина во Скопје, потребно е сите посетители да се придржуваат кон мерките за заштита од ширење на коронавирусот, децидни се од скопската Зоолошка градина.

Оттаму велат дека, иако поголемиот број посетители се придржуваат кон мерките за заштита, сепак има и такви кои не носат заштитни маски и не држат соодветна дистанца додека шетаат и ги гледаат животните. Со тоа, тие не само што го загрозуваат сопственото здравје, туку претставуваат потенцијална опасност да ја прошират заразата и кон останатите присутни во Зоолошката градина.

Токму затоа, од Зоолошката градина апелираат за строго почитување на препорачаните мерки за заштита, за да не дојде до затворање на градината за посетителите.

– Ние пред сѐ се грижиме за јавното здравје и не сакаме токму овде да се прекршуваат мерките. Затоа и постојано апелираме посетителите да бидат совесни и одговорни. Се надеваме дека ќе продолжат да ги почитуваат мерките и нема да дојде до затворање – велат од Зоолошката градина.

Прочитајте и...  ВИДЕО: Ковид вакцината, како и секоја друга се прима во општа добра здравствена состојба

Оттаму објаснуваат дека, за среќа, поголемиот дел од посетителите се придржуваат кон мерките, но секогаш има исклучоци.

– Ние комуницираме со нив, ги опоменуваме и едуцираме – како за држење дистанца и маски, така и за кодексот на однесување во градината – забрането фрлање храна и вознемирување на животните – додаваат од градината.

Освен вработените, за одржување на редот и на дисциплината за време на викендите се задолжени и луѓе од приватна агенција за обезбедување, која волонтерски се грижи за да се почитуваат правилата во градината. По потреба, интервенираат и инспектори и комунални редари од Инспекторатот на Град Скопје, а се случува понекогаш  да биде повикана и полицијата.

Скопската Зоолошка градина и покрај пандемијата и понатаму останува едно од најпосетуваните места во главниот град. Па така децата, заедно со родителите, но и со бабите и дедовците, секој слободен миг го користат за да ги посетат животните и да уживаат во убавините кои ги нуди ова место.

Прочитајте и...  Сведок во „Таргет-Тврдина“ добил смртни закани: На екс полициски командир му се заканиле дека ќе заврши во гепек

– Посетеноста на Зоолошката за време на пандемија е изненадувачки голема. Луѓето сакаат да го поминуваат времето на отворено и во зеленило, а тука токму тоа и го имаат. Додека на сила беа мерките за родителите на деца до 10 години да не одат на работа, градината беше многу посетена и преку недела – информираат од таму, притоа додавајќи дека, и покрај огромната заинтересираност, сепак, бројот на продадени билети е намален, бидејќи не дозволуваат да има огромни гужви и посетеност како порано.

Од Зоолошката градина тврдат и дека, од почетокот на пандемијата па досега, успешно менаџираат со градината со цел местото и понатаму да остане привлечно за граѓаните и најавуваат дека многу скоро за првпат во Скопје ќе пристигнат пингвини.

Прочитајте и...  Професорот Пеце Николовски избран за претседател на Сенатот на УКЛО-Битола

– Фламингата сѐ уште се најомилени кај посетителите. Имаме и двогрби камили, нови бели лавови и бели волци. Алпаките и Бејби Зоо се најпосетеното и најомилено место меѓу децата. Ние, постојано сме во контакт за нови животни, го подготвуваме и Дино паркот кој ќе биде вистинска атракција. Иако потешко оди поради пандемијата и затворените граници, сепак Зоо Скопје никогаш досега немала волку различни видови на животни и живеалишта направени по светски стандарди, со цел што подобри услови за жителите на градината – велат од скопската Зоолошка.

 

Поврзани вести

Тие нам вето, ние ним добра волја

Соња Христовска Угриновска

Русино прво ќе го направиме санитарна депонија, па потоа ќе го затвориме

Југослава Дуковска

Цените на тутунот нѐ вратија 10 години назад, правилникот – 30 години!

Весна Дамчевска

Курсна листа на НБРСМ: Колку чини еврото денеска?

Слободен печат

Германија веќе се подготвува за нова пандемија

Слободен печат

ВИДЕО: Историски чекор кон декриминализација на марихуаната во САД

Слободен печат

Остави Коментар