18-годишниот возач кој минатиот месец ја прегази и ја усмрти 75-годишната Љуба Јаковлеска во скопската населба Капиштец, е уапсен во српскиот град Врање, откри вечерва адвокатот Звонко Давидовиќ во подкастот „Претрес“.

Станува збор за бегалецот Саит Саитов, кој откако ја удри жената, избега од местото на несреќата, а потоа и од државата, со помош на неговиот татко и роднини.

Ни слика ни име и презиме нема да бидат објавени од 18-годишникот без возачка за кого има потерница откако смртно прегази жена во Капиштец

„Лицето ќе биде екстрадирано од Србија во Македонија. Најверојатно е приведен и неговиот татко”, вели Давидовиќ, кој ги брани роднините кои ги пренеле таткото и синот преку граница.

Според адвокатот, роднините тврделе дека не знаат оти младиот Саитов прегазил жена, кога го пренеле преку граничниот премин „Табановце“.

„Им верувам на моите клиенти дека не знаеле дека превезуваат сторител на такво тешко кривично дело. Мажот работи во Дирекција за заштита и спасување и е родител на дете со посебни потреби и за набавка на суплементи често патувал во Србија”, рече адвокатот Давидовиќ.

ВИДЕО: Бегалецот Саитов уште на 17 години се снимал како дивее со „Пасатот“ со кој ја прегази Љуба Јаковлеска во Капиштец