Во Свети Николе 27 семејства добија социјални станови

Фото: Влада на РСМ

На 27 семејства во Свети Николе денеска им беа доделени социјални станови од државата. Објектот располага со 48 станбени едници, со површина од 35-47 метри квадранти и 48 подрумски простории со површина од 5 до 7 метри квадратни. Објектот се состои од приземје, четири ката и поткровје, а приземјето е прилагодено за лица со телесен инвадилитет. Вкупната инвестиција е околу 85.000.000,00 денари.

На доделувањето на становите присуствуваа премиерот Димитар Ковачевски и директорот на Акционерското друштво за изградба и стопанисување со станбен и деловен простор од значење за Републиката, Зоран Ѓоргијев.

Јас се залагам за креирање на системски решенија кои даваат резултати на долг рок. Тоа беше и појдовната точка кога ја правевме и новата методологија за усогласување на пензиите и платите, и благодарение на тоа имаме и зголемена минимална плата, зголемени пензии, тие постојано ќе растат. На тој начин сега преговараме и со синдикатите за зголемување на сите плати за да се направи едно одржливо решение кое ќе биде на задоволство на сите. Така изградивме систем на социјална заштита што ќе одговори на предизвиците со кои се соочуваат најранливите категории на граѓани. Обезбедивме средства за редовна исплата на правата од социјална и детска заштита и дополнителна финансиска поддршка. Владата креираше неколку пакети антикризни мерки, со кои ги поддржавме ранливите категории на граѓани, потоа млади-студенти и средношколци, невработени лица и лица со минимална плата. Само за неколку години социјалната помош ја зголемивме за над 300 проценти – изјави Ковачевски.

Фото: Влада на РСМ

Ѓоргијев истакна дека објекто е прв од вакво тип во Свети Николе, а вели дека ги подобриле и условите за стопанисување во постојните станбени згради и станови и го поттикнале развојот и изградбата на инфраструктурата за домување.

Учествуваме во изградбата, реновирањето и одржувањето на становите за непрофитно домување и инвестициско и тековно одржување на станбениот и деловниот простор – додава тој.

Премиерот инфорираше дека со буџетот на Министерството за труд и социјална политика за 2023 година, обезбедена е достапност на социјалните услуги, но и зголемување на материјалните права на пензионерите и граѓаните кои се дел од системот за социјална заштита.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот