Американската сојузна држава Конектикат по речиси 400 години амнестира 12 лица осудени за вештерство за време на колонијалната ера, соопштија денеска од Вашингтон.

Вкупно 11 беа обесени по судењата за вештерство во Конектикат во средината на 17 век, а еден беше поштеден од смртна казна.

Официјални лица на таа американска држава усвоија резолуција со која жртвите се прогласуваат за невини и ги осудуваат изречените казни.

Здружението на потомци на жртвите ја поздрави одлуката наведувајќи дека потомците воделе кампања за постхумна рехабилитација на осудените предци.

Неколку стотици луѓе, главно жени, биле обвинети за вештерство во 17 век.