Во прелиминарните контакти со Турција, Грција ќе разговара само за Ексклузивната економска зона и континенталниот гребен

 Прашањата што се однесуваат на одредување на ексклузивната економска зона и континенталниот гребен во Егејското Море и Источниот Медитеран, ќе бидат единствените теми за кои Грција ќе разговара со Турција во рамките на 61-от круг прелиминарни контакти што в понеделник ќе се одржи во Истанбул, истакнаа на денешните редовни брифинзи со новинарите и портпаролот на грчката Влада Христос Тарандилис и портпаролот на грчкото МНР Александрос Папајоану, јави дописничката на МИА од Атина.

Тарандилис рече дека постои конкретна рамка на дискусија за да се најдат заеднички точки на поклопување на мислењето, додека пак Папајоану истакна дека нема да се разговара за демилитаризација на грчките острови.

– Нашиот став е дека ако се одржат со добра волја, можат да доведат до деескалација на тензиите и овде да додадам дека Грција во 61-от круг контакти доаѓа со добра волја и дух на соработка. Исто така да потенцирам дека во прелиминарните контакти не се разговара за демилитаризација на островите. Не преговараме за никакво прашање што се однесува на националниот суверенитет, рече портпаролот на грчкото МНР.

Прочитајте и...  На секој половина час Ковид-19 одзема живот на медицински работник

Папајоану на редовниот брифинг објасни дека не се преговори, туку се контакти, нема обврзувања меѓу двете страни, нема договорен записник, не присуствува трета страна и нема информирање за содржината на прелиминарните контакти

– Тоа се неформални контакти, не се обврзувачки, тоа се доверливи разговори за да се разгледаат точки на поклопување на ставовите за евентуални преговори во иднина за одредување на Ексклузивната економска зона и континенталниот гребен во Егејското Море и Источниот Медитеран секогаш врз основа на меѓународното право, истакна Папајоану.

Доколку нема договор во преговорите кои би можеле да следат по прелиминарните контакти, двете страни ќе треба да се согласат за текст што во продолжение би се доставил до Меѓународниот суд во Хаг.

Прочитајте и...  (ВИДЕО) Вучиќ прикажа вознемирувачки фотографии од убиствата на Беливук

Прелиминарните разговори меѓу двете земји ќе се одржат во понеделник во Истанбул, по пауза од речиси пет години. Последниот, 60-от круг, беше одржан во март 2016 година. 

Поврзани вести

Брнабиќ: Фотографиите од убиствата не беа многу страшни, има и пострашни

Слободен печат

Растурена свадба во хотел во Тетово

Слободен печат

Австрија ја суспендираше вакцината Астра зенека

Слободен печат

Коневски очекува отчет од Мицковски пред делегатите

Слободен печат

Зошто жените губат во градоначалничката трка?

Весна Тодоровска

Шахпаска: Преку Законот за родова еднаквост ја зајакнуваме улогата на жените во секоја сфера на општественото живеење

Слободен печат

Остави Коментар