Лишени од слобода се возач на автобус во тетовско и патник во автобусот, кај кои биле пронајдени непријавени 34.965 евра, соопшти МВР. Полициските службеници од Мобилната единица за компезаторни мерки при Одделот за гранични работи и миграција на подрачје на СВР Тетово сопреле автобус „мерцедес” сопственост на туристичка агенција управуван од Р.Ф.(37) од село Доброште, тетовско кој сообраќал на релација Германија-Македонија.

При преглед на автобусот во приколката се пронајдени повеќе канти за кој лицето не поседува документи и дозволи за транспорт. Додека при извршен преглед кај еден од патниците Ф.И.(20) од Теарце, тетовско пронајдени се пет пликоа со разни апоени, со вкупна вредност од 34.965 евра кој истиот ги внел преку Граничниот премин Табановце без притоа да ги пријави и притоа не поседувал никакви документи за сопственост и потекло на парите. Лицата се лишени од слобода по член 278 „криумчарење” од Кривичниот законик и член 29 од Закон за девизно работење и по целосно документирање на случајот против нив ќе бидат поднесени соодветни пријави, велат од полицијата.