Отечени зглобови, вишок килограми и сонливост се само некои од симптомите што укажуваат на вишок вода што се „собира“ во телото.

Одеднаш добивте неколку вишок килограми? Се чувствувате тромо и подуено? Зглобовите и прстите ви се отечени, а не сте го зголемиле внесот на храна и не сте ја намалиле физичката активност?

Прекумерното задржување на вода во телото се јавува и поради брзиот начин на живот, нередовната и неправилна исхрана. Отечени зглобови, вишок тежина и сонливост се само некои од симптомите што укажуваат на овој проблем.

Пред сè, треба да се напомене дека тешката храна – многу зачинета, мрсна и сува, создава здравствени проблеми што подоцна се одразуваат на одредени делови од телото. Во врска со тоа, вишокот вода што се „собира“ во нозете е еден дел од тие проблеми, а нередовната физичка активност ја зголемува сериозноста на почетниот проблем уште повеќе. Како да ја исфрлите водата од нозете е прашање кое ги мачи многумина, а одговорите се различни.

Различни чаеви, како што се зелениот чај, чајот од магдонос, чајот од глуварче можат да помогнат во исфрлањето на водата од нозете, но и дневната физичка активност од половина час е исто така многу корисна. Исто така, регулирањето на исхраната многу помага во исфрлањето на водата, што значи дека нездравите масти, кои доаѓаат од преработената индустриска храна, треба да се сведат на минимум.

Како да ја исфрлите водата од стомакот?

Процесот на исфрлање на водата од стомакот може да се направи и природно. Различни чаеви, редовна исхрана и физичка активност се најдобри за исфрлање на водата од желудникот.

Значи, физичката активност, елиминирањето на преработената храна од менито, консумирањето храна богата со калиум и магнезиум, ограничениот внес на јаглехидрати и многу течности ќе ви помогнат да се ослободите од вишокот вода во стомакот.

Магнезиум за исфрлање на течности

Магнезиумот е електролит кој помага во регулирањето на рамнотежата на течностите во телото. Зелениот лиснат зеленчук, авокадото, бадемите и гравот се одлични извори на овој минерал.

Овошје и зеленчук богати со калиум

За да ги намалите нивоата на натриум и да ги зголемите нивоата на калиум, најдобро е тоа да го правите преку вашата исхрана. Изберете овошје и зеленчук богати со калиум – зелка, кељ, зелена салата, спанаќ, магдонос и овошје – банани, кајсии, портокали, сливи.

Исто така, претерано солената храна ја задржува водата во организмот, па затоа треба да ја намалите количината на сол при подготовка на храна. Со консумирање природни диуретици, како што е кафето, на пример, водата се исфрла од организмот.

Покрај горенаведените намирници, експертите предлагаат да ги користите и следниве природни чаеви: чај од глуварче, црн и зелен чај.