Генералот Небојша Павковиќ денеска почина на 79-годишна возраст во Белград, а пред само 22 дена беше ослободен од затворот во Финска поради лошата здравствена состојба, каде одлежуваше казна за воени злосторства извршени за време на војната во Косово.

По слетувањето во Белград, генералот беше примен во ВМА во прилично лоша состојба, но и покрај напорите на лекарите, не издржа долго.

Инаку, Небојша Павковиќ имал многу бурен живот и се женел дури пет пати. Пред четири години, неговиот пријател објавил за локалните медиуми дека генералот во Хаг се оженил по петти пат, и дека неговата четврта сопруга, која била многу помлада од него, го напуштила додека ја одлежувал казната, пишува Блиц.

„Редовно се слушаме, има добри услови во затворот, има сè што му треба, неговата нова сопруга редовно го посетува, е во добра здравствена состојба и генерално се држи многу добро. Ги гледа нашите канали и сигурно ќе му се јавам кога ќе заврши последната епизода за да коментирам сè“, изјави тогаш пријателот на Павковиќ.

За бракот на Павковиќ со фаталната водителка Глорија се зборуваше долго време, а таа го остави кога беше уапсен во „Сабја“ и му зеде три стана во тоа време.

„Обожава луксуз и добар провод. Едноставно таква е и ѝ се допаѓа таков живот. Некои ќе речат дека е гламурозна, други дека е ненаситна, но немаше намера да ги менува навиките. Таква беше и во бракот со Миќко Марковиќ, син на Дража Марковиќ, со кого има ќерка. Со Павковиќ има син. Нејзиниот накит, бројните перики и чевли, сепак, не ја иритираа јавноста толку колку приказните за сите нејзини станови и други имоти што ги поседува“, открил еден од нејзините поранешни пријатели за „Вечерњи новости“ во 2003 година.

Генералот Павковиќ потоа изјавил дека таа е сопственичка на три стана, кои ги заклучила и си заминала, оставајќи го сам да се грижи за себе како што знае. Кога Небојша Павковиќ беше уапсен во „Сабја“, Глорија брзо се разведе од него, а тој ја обвини дека го ограбила и избегала со висок функционер на МВР.

– Во времето на притворањето, мојата сега поранешна сопруга Глорија, со двајца нејзини адвокати во присуство на инспектори на МВР и затворски чувари, ме посетуваше во Белградската полициска станица кога сакаше. Уште тогаш знаев дека тоа е флагрантно кршење на Законот за полициско притворање, но таа имаше дозвола. За време на тие посети, таа се појави и со „идеја“ дека треба да потпишам барање за мирен развод – со гаранции дека ќе го активира тој документ само ако бидам осуден на повеќегодишна затворска казна или предаден на Хашкиот трибунал“, раскажал тој порано.

И за време на една од посетите, според Павковиќ, тој доставил предлог за спогодбен развод и за промена на презимето на Глорија Павковиќ. Во тоа време, тој донел и судски службеник за да го потврди спогодбеното раскинување на бракот. Сè било  направено со образложение – за да се заштити таа и детето, доколку е потребно.

„Ги потпишав документите за мирен развод, но со барање и договор тие да бидат „активирани“ само ако се случи нешто од горенаведеното“, но, како што раскажал  Павковиќ, нешто подоцна дознал дека неговиот брак со Глорија е разведен по итна постапка.

Павковиќ тврдел дека додека сè уште бил во болница, се договориле таа да му ги даде клучевите од еден од трите стана.

„Сепак, кога излегов пред неколку дена, ја немаше ниту Глорија ниту клучевите“, рекол Павковиќ.

Генералот Небојша Павковиќ ќе биде предвреме ослободен од Хаг поради лоша здравствена состојба