Во Бугарија претставена книгата „Преображенија“ од познатиот македонски писател Владимир Мартиновски

Фото: МИА

Презентација на книгата „Преображенија“, со поетски дела на македонскиот писател Владимир Мартиновски, се одржа денеска во Културно-информативниот центар на Република Северна Македонија во Софија, јави дописникот на МИА од Софија.

Преведувач на книгата е бугарскиот поет Роман Кисов, кој исто така, го направи и изборот на содржината на книгата.

– Македонската поезија е прекрасна и отсекогаш сакав да покажувам какви културни процеси се случуваат во оваа блиска на Бугарија земја, рече Роман Кисов.

Освен пред публиката на Културно-информативниот центар во Софија книгата „Преображенија“ ќе биде претставена на 12 мај, во рамки на Европската ноќ на литературата, што по десетти пат се организирана од странски културни центри и амбасади во Бугарија.

Книгата беше презентирана од директорот на КИЦ во Софија Сашко Насев пред насобраната публика и специјалниот пратеник на македонската влада за односи со Бугарија Владо Бучковски. Тој истакна дека улогата на културата и литературата е многу важна во односите меѓу општествата.

На презентацијата присуствуваше и делегација од Министерството за култура на Северна Македонија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот