ВМФЛ: Детонит го победи Пелистер и се врати во битка за второто место
Eкипата на Детонит стигна до голема победа во денешниот натпревар од 19. коло во Втората фудбалска лига на Македонија. На свој терен Детонит славеше победа против фаворизираниот Пелистер со 1:0 со што се врати во битката за второто место кое директно обезбедува место во ПМФЛ.
Човекот на одлука во денешниот натпревар беше Стефан Бабунски кој го постигна единствениот гол на натпревар. Пелистер најголемата прилика за изедначување ја пропушти преку Благоја Љамчевски кој не реализираше пенал во второто полувреме.
Лидерот Беса пак продолжи со победите и немаше проблеми против Саса која ја совлада со 3:0.
На табелата Беса е лидер со 50 бодови, потоа следи Пелистер со 42, додека Детонит со денешните три дојде на само еден помалку.
ВМФЛ РЕЗУЛТАТИ: Беласица – Башкими 0-0, Детонит – Пелистер 1-0, Саса – Беса 0-3, Караорман – Скопје 0-1, Кожув – Арсими 0-2, Новаци – Тетекс 1-1, Осогово – Победа 0-0, Вардар (Н) – Охрид 0-1.