Eден од најдобрите македонски одбојкари, Владо Милев одлучи да ја напушти Струмица, а во изјава за струмичкиот портал „Дрнка“ призна дека не бил задоволен од водењето на клубот.

Како што вели Милев не можел да им објсни на одговорните дека клуб „не се води од кафуле“.

„Мојата визија беше вложување во младите и европска ОК Струмица – јасна стратегија и долгорочeн развој. Кога енергијата се троши на убедување на сопствената управа дека клубот не се води од кафуле, тогаш фокусот се губи. Избрав да се повлечам за да останам доследен на моите принципи“, изјави Милев за „Дрнка.мк“.

Засега нема најави каде искусниот одбојкар ќе ја продолжи кариерата.