Пејачот Владо Георгиев стана главна тема на социјалните медиуми, откако сподели дека ја поддржува познатата теорија на заговор дека планетата Земјата е, всушност, рамна плоча.

Тој сподели фотографија на својот твитер-профил, каде напиша дека ја „зумирал“ дури 48 пати.

„Колку е заоблено, онака баш топчесто, и тоа зумирано 48 пати“, напиша пејачот во описот на фотографијата, на која се гледа голема водена површина.

Koliko je zakrivljeno, baš onako okruglo i to kroz zoom 48x 🤣 pic.twitter.com/BlGKq3WZzl

— Vlado Georgiev – Barba (@VladoGeorgiev) September 18, 2023

Неговата објава веднаш го привлече вниманието на твитерџиите, кои му напишаа бројни хумористични коментари.

„Да се тврди дека Земјата е рамна плоча е исто како да се тврди дека не постои гравитација. Апсурдно е“, „Дали сериозно мислиш дека Земјата е рамна плоча или ова е некоја шега?“, „Држи си се до пеењето“, „Боже, колку си забегал. Помалку вино, помалку вино“, „Брат, гледај кон Месечината и останатите небесни тела. Веројатно, многу нешта ќе ти станат јасни“, се дел од коментарите.

Исто така, на социјалните медиуми почна да се објавува едно негово гостување на српската телевизија Нова, каде и во 2019 година зборувал на оваа тема.