Министерството за земјоделство соопшти дека во пресрет на празникот Св. Трифун, заштитникот на лозарите, исплатени се вкупно 481.127.667 денари (околу 7,8 милиони евра) кон 12.458 лозари-корисници на државни субвенции.

Парите се исплатени по Мерката 1.8 – Директни плаќања по обработлива земјоделска површина за одржување постојни лозови насади.

– Се потврдуваат посветеноста и приоритетите на институциите во развојот на оваа земјоделска гранка. Продолжуваме со реализација на мерки и политики насочени кон одржливост и унапредување на земјоделското производство – се пофали самото себе Министерството во соопштението.