Владата на Литванија одобри вонредна состојба на границата со Белорусија
Владата на Литванија одобри воведување вонредна состојба во регионите кои граничат со Белорусија, јави руската агенција ТАСС.
– Одлуката е донесена земајќи ја предвид влошената ситуација во пограничниот регион, поради што е доставена на одобрување до Парламентот, изјави литванската премиерка Ингрида Симонита.
Според предлогот на литванското Министерство за внатрешни работи, вонредната состојба ќе стапи на сила на 10 ноември на полноќ во пограничната област и на пет километри од таа област, како и на местата за сместување на мигрантите од африканските и азиските земји кои влегле во Литванија преку Белорусија.
Официјален Минск смета дека обвинувањата на Варшава дека белоруски војници ја минуваат границата со Полска се неосновани, соопшти денеска белоруското Министерство за одбрана.
Според Минск, претставници на полското Министерство за одбрана се сретнале со воените аташеа од белоруската амбасада во Варшава на 8 ноември „за да разговараат за наводните прекршувања на полската граница од страна на припадниците на белоруската служба и нивната вмешаност во миграциската криза”, објави ТАСС.
Министерството за одбрана на Белорусија наведува дека Минск ги смета „сите обвинувања од Полска за неосновани”.
Извор: МИА
Стотици мигранти кампираат на полско-белоруската граница на сè пониски температури