Визуелниот уметник Пандора Апостолоска Саздовска и академскиот скулптор Сашо Саздовски беа поканети од кураторите Рим Ајар од Тунис и Али Рашид од Ирак на Уметнички симпозиум во Тунис како претставници од Македонија.

Симпозиумот со наслов „Заедно“ претставува дела составени од монументални скулптури, слики, графики и цртежи на 38 уметници од Тунис, Мароко, Азербејџан, Катар, Јордан, Ирак, Алжир, Кувајт, Индија, Холандија, Франција, Белгија, Италија, Уругвај, Шпанија, Русија, САД, Романија, Полска и Македонија.

Програмата вклучувала посета на значајни историски споменици на културата, музеи и градови под заштита на УНЕСКО, како синиот град Сиди Бу Саид, археолошкиот локалитет на Картагина, Романскиот амфитеатар во Утина (Uthina) и Ел Џем (El Jem) во Тисдрус (Thysdrus), кој е најголемиот и најсочуван амфитеатар од Римскиот период и е вклучен во Светското културно наследство, и музејот „Ле Бардо“ (Le Bardo) во Медина.

Завршната изложба на шестиот Уметнички симпозиум во Тунис се одржала на 2 мај во Дајар Ал Медина (Картагина ленд), а ќе трае од крајот на мај 2024 година.