Модната икона Викторија Бекам (51) за првпат јавно проговори за болниот раздор во семејството и прекинот на сите односи со нејзиниот најстар син Бруклин (27). Во искрено интервју за „Волстрит журнал“, Викторија призна дека таа и Дејвид отсекогаш се труделе да бидат најдобрите можни родители и покрај тоа што живеат под постојан притисок од јавноста повеќе од три децении, пишува „Пипл“.

Иако во интервјуто одбива да го изговори името на Бруклин, Викторија јасно стави до знаење колку ја боли целата ситуација.

„Отсекогаш сме се труделе да ги заштитиме и да ги сакаме нашите деца. Тоа е сè што навистина сакам да кажам за тоа. Се трудиме да го дадеме најдоброто од себе, но родителството на возрасни деца е сосема поинакво од она кога се мали“, изјави Викторија.

Семејната војна ескалираше во јануари оваа година, кога Бруклин објави шокантно писмо на шест страници во кое ги обвини своите родители дека го контролирале целиот негов живот. Тој изјави дека нема намера да се смири со нив, тврдејќи дека мајка му се обидела да го расипе неговиот брак со Никола Пелц и дека се однесувала „непристојно“ на нивната свадба.

Круз Бекам му посвети песна на својот брат?

Дека ситуацијата во домот на Бекамови е критична потврдува и настапот на нивниот помал син Круз. Неговиот бенд неодамна ја промовираше песната „Loneliest Boy“ (Најосаменото момче), за која фановите се убедени дека е упатена до Бруклин.

„Мамо, не зборувај премногу, тоа ѝ го крши срцето“, гласи еден дел од стиховите кои Круз ги испеа со видни емоции додека Викторија и Дејвид беа во публиката.

Бруклин дополнително ги повреди своите родители кога на социјалните мрежи целосно ја игнорираше Викторија за Денот на мајката, додека во исто време објавуваше емотивни пораки за својата свекрва Клаудија Хефнер Пелц.

Гордон Ремзи му порача на Бруклин Бекам: „Еден ден ќе ги немаш мајка ти и татко ти“