По повод Светскиот ден на поезијата, навлегуваме во лирскиот и персонален свет на Тони Зен, кој полека и сигурно се враќа на сцената по пауза од бурниот живот, концерти, медиуми… Тони Зен не е само музичар и рапер. Jас лично би го нарекла – поет со микрофон.

Неговите текстови не се само зборови со ритам, тие се на некој начин, одраз на неговите лични искуства, борби, триумфи и будења.

За време на неговата пауза, Тони одвои време да работи на себе, да ја сфати суштината на постоењето, тишината, да формира едно прекрасно семејство, да се посвети на креирањето на албумот „Од изворот на изборот“…

Дел од текстот на песната „Тишина“ во склоп на албумот „Од изворот на изборот“:

„Лесно е да имаш многу, кога многу има
Лесно е да направиш во песокот прашина
Лесно е да избегаш по патот во кривина
Лесно е да направиш галама, да те видам направи тишина“

 

За неговиот пристап кон креирањето на текстови и за врската помеѓу рапот и поезијата вели:

„Можеби не сум поет, но искуствата се поетски. Не се обврзувам многу со термините, а раперите и лиричарите ги нарекуваат ‘улични поети’“.

Тони Зен можеби користи микрофон наместо пенкало, но не греши: неговите рими се поезија во движење, носејќи ја со себе безвременската моќ на стиховите. Со неговото будење, тој продолжува да нè потсетува дека вистинската уметност не познава граници и дека поезијата може да се најде на најнеочекуваните места.

Во продолжение, изгледајте го целиот разговор со Тони Зен!