Бадниковите поворки оваа година по 15. пат ќе се одржат во 80 населни места вклучувајќи ја и дијаспората. За првпат во организацијата се приклучуваат и Македонците од Словенија.

– Оваа година новитет ни е новата божиќна пештера направена со огромна љубов која стои како еден убав декор поставена на плоштад „Макеоднија“. Во однос на тоа дали ќе ииамме возобновување на нова божикна песна или каланда само ќе речем нека остане изнендување. Бо сакла да споделам дека интересот на бадникарите кои се вклучени во подготовките расте од година в година, а нашите очекувања се дека на Бадник оваа година ќе ја имаме најгоелмата бадникова поворка досега како во Скопје така и во останатите општини – рече Билјана Лончар за „Слободен печат.“

Во Скопје поворката ќе започне од Музејот на град Скопје на пладне.

– Традицијата зборува за тоа дека децата со божикната пештера во раце треба на 5 јануари ноќта пред Бадник ја пеат „Вечниот бог“ кај првите соседи, а утрото на 6 јануари ние во Скопје ќе се собереме пред 12 часот пред платото на Музејот на град Скопје. Оваа година очекуваме масовна посетеност и надминување на бројката од лани. Очекуваме над 3000 дечиња да бидат дел до Бадниковите поворки – рече Лончар.

Малата Сара Мицевска од бебе е дел од организацијата „Бадникови поворки“. Таа имала удел во изработката на бадниковата пештера.

– Мојот татко ја даде идејата за изработка на пештерата. Јас му помагав со предлозите каде да стојат украсите. На пример, јас кажав каде да стои оградата. Пештерата се правеше во Националната опера и балет – рече Сара.