Невремето со силен дожд кој во изминатиот час врне во Скопје веќе ги поплави улиците и ги покажа сите слабости и недостаток на атмосферска канализација по дел од градските сообраќајници. Низ градот не се оди ниту пеш, а тешко е движењето и со автомобили.

Граѓани јавуваат дека поради поплавите е блокиран сообраќајот на булеварот „Борис Трајковски“ кај стаклара.

Градоначалникот Орце Ѓорѓиевски соопшти дека поради силното невреме е активиран Кризниот штаб на Град Скопје, заедно со службите и јавните претпријатија, за брза интервенција на терен, доколку има штети, поплави или потреба од итна реакција.

 Во постојана координација сме со ЦУК, МВР, ЕВН, Противпожарната бригада на Град Скопје и сите надлежни институции. Сите капацитети се ставени во функција, со една цел навремена заштита на граѓаните и спречување на поголеми последици. Екипите на Град Скопје ќе бидат на располагање во текот на целата ноќ и ќе интервенираат секаде каде што ќе биде потребно. Не можеме да го запреме невремето, но можеме организирано, одговорно и заеднички да спречиме поголеми штети – вели Ѓорѓиевски.

Погледнете како е низ Скопје во моментов.