Општина Кисела Вода ја заврши реконструкцијата на коритото на реката Мала Рада, со која на потег од 2,5 километри е извршена обнова на дното и на бетонските профили на коритото и изградени се потпорни ѕидови.

Со тоа, според градоначалничката Бети Стаменкоска Трајкоска овозможена е сигурна заштита за домовите на граѓаните од поплавите кои во минатото им создаваа проблеми.

Покрај безбедносниот аспект, овој простор доби и нов лик. Со новата пешачка патека, модерното осветлување и урбаната опрема, Мала Рада прерасна во уредено катче за прошетки и рекреација на семејствата и младите од Драчево. Овој проект, со вредност од 57.800.000 денари, е доказ дека кога локалната самоуправа има силна поддршка од централната власт, работите се движат напред истакна градоначалничката.

Општината со молк се обидува да ги стави „под тепих“ пропустите за Теферич