ВИДЕО+ФОТО | Фустанот на Ејми Вајнхаус од историскиот концерт во Белград продаден за неверојатна сума
Сè уште многу добро го паметиме концертот на исклучителната Ејми Вајнхаус одржан во нам блискиот Белград во јуни 2011 година. Но, не само Балканот, туку и целиот свет, откако пејачката беше под очигледно влијание, и беше разочарувачко искуство за публиката, па беше „извикана“ од сцената – а тоа беше нејзиниот последен концерт пред нејзината рана и предвремена смрт.
Се чини дека, колку што беше овој нејзин настан легендарен и за паметење, така и нејзиниот фустан кој го носеше на овој настап.
Изминатата недела на аукција беа дадени преку 800 парчиња лични предмети на Вајнхаус од страна на семејството, а како најзабележителна продажба беше токму фустанот кој Ејми го носеше на својот последен концерт во Белград.
Црно-зелениот мини фустан со принт од палма беше продаден за 180 илјади фунти, или 283 илјади долари, што се проценува дека е 16 пати повисока сума од неговата реална вредност.
Фустанот беше само дел од колекцијата која содржеше од ДВД изданија, преку градници и книги, до козметика ин шминка, кои беа поставени на аукцијата од страна на нејзините родители Мич и Џенис.
Целосната продажба на колекцијата заработин 4 милиони долари, што е двојно од предвидената сума според куќата „Julien’s“ која беше задолжена за дводневната аукција која се одвиваше за време на изминатиот викенд.
„Секако, има фанови, музеи и колекционери низ целиот свет кои би сакале да имаат некои од овие парчиња во своја сопственост, да се грижат за нив, да ги прикажуваат во музеи, да го одржуваат нејзиното наследство и споменот за неа во живот, и во исто време да поттикнат пари кои ќе бидат наменети за фондацијата“, изјави Мартин Нолан од куќата „Julien’s“ пред аукцијата.
Средствата ќе бидат наменети за Фондацијата Ејми Вајнхаус, која ги подржува ранливите млади личности кои се борат со зависности.
Друго парче кое беше продадено за забележителна сума е клач-чантата во форма на срце изработена по нарачка од Москино, кое Вајнхаус го носеше на „Brit Awards“ во 2007 година, а беше продадено за 204.800 долари.
Oстанатите фустани во карактеристичниот ретро стил на Ејми беа продадени за суми помеѓу 12.500 и 150 илјади долари.
Ејми Вајнхаус почина само еден месец по незаборавниот концерт во Белград, на 23 јули 2011 година, на само 27 годишна возраст. Смртта настапи како резултат на алкохолно труење, а пејачката освен по своите извонредни вокални способности беше позната и по нејзините контроверзен настапи и појавувања под дејство на алхохол и дрога.