ВИДЕО | Зеленортски Острови без ниту една победа оди во нокаут фазата
Тие сè уште не остварија триумф на Светското првенство, но ги освоија срцата на целиот свет со чудата што ги направија ова лето.
Препорачано
Репрезентацијата на Зеленортски Острови, дебитант на Мундијалот и земја со население од нешто помалку од 500.000 жители, се квалификуваше во нокаут фазата на најголемото фудбалско натпреварување со три историски нерешени резултати.
„Сините ајкули“ од Атлантскиот Океан освоија нов и клучен бод во Хјустон против Саудиска Арабија (0:0).
Националната фудбалска репрезентација, која за прв пат игра на Светското првенство и за која најголемите успеси досега беа две четвртфиналиња на Африканскиот куп на нации, ќе се соочи со актуелниот светски шампион Аргентина и легендата Лионел Меси во 1/16 финалето.
За прв пат по 20 години, дебитант на Светското првенство се пласираше во нокаут фазата.
Претходно одиграа 0:0 со Шпанија и 2:2 со Уругвај и така без ниту еден триумф со три бода како второпласирана оди во нокаут фазата.
Шпанија која славеше со 1:0 против Уругвај со голот на Баена во 42 минута го освои првото место со седум бодови и во нокаут фазата ќе игра против Австрија или Алжир.
