ВИДЕО | Заев: Веќе е видливо дека поразлично се живее – парите се враќаат кон граѓаните, покачена социјална помош, пензии и плати, работнички права, сѐ е различно од порано
-Ја прифаќам сугестијата, сакам да учам, критиката држи вода, повеќе „бели глави“ се потребни и на поистурени функции, нагласи Заев.
Новиот состав на СДСМ треба да биде авангардата што влече напред, дециден е лидерот на СДСМ Зоран Заев во интервјуто за Утрински брифинг.
-Јас сум претседател и на Владата и на СДСМ, на еден огромен резервоар на експерти од кои барам ставови. Генерираме сосема ново поглавје на општественото живеење и се тоа мора да влече напред. Некој можеби мисли дека поразлично би било доколку гледаме мудреци со бели коси и бради. Но тие се секаде околу нас, одлуките ги носат помлади луѓе, вели Заев.
Тој нагласува дека и во овие последни четири години немало мудреци со бели коси што седеле во раководството, но партијата има сериозни државнички политики.
-Новината не е само во слободата и демократијата. Денеска сме меѓународен пример, потврдени од сите, добредојдени, соработката и пиететот со кој што се зборува за Северна Македонија е врв на Балканот. Пример сме, имаме пријатели, станавме членка на НАТО. Веќе е видливо дека поразлично се живее – парите се враќаат кон граѓаните, зборуваме за 300% социјална помош, покачени пензии и плати, работнички права, што е поприлично различно од порано, додаде Заев.
-Но еве, ја прифаќам сугестијата, сакам да учам, критиката држи вода, повеќе „бели глави“ се потребни и на поистурени функции, нагласи Заев.
