Според објави на социјалните мрежи, контрамитинзи на Српската напредна партија (СНС) се закажани за среда, 20 август, во неколку градови во Србија.

Членови на СНС, вклучувајќи го и лидерот на партијата и поранешен српски премиер, Милош Вучевиќ, споделуваат видео на социјалните мрежи со пораката „Србија ќе победи“. Некои од локациите се Лесковац, Лозница и Пожаревац, пренесува Инсајдер.

 

View this post on Instagram

 

A post shared by Милош Вучевић (@milosvucevic)

„Лут сум“, „Ми го одзедоа нормалниот живот“, „Ми ја напаѓаат куќата“, „Сакам да учам“ – ова се само дел од пораките што може да се слушнат во видеото што го споделија членовите на Српската напредна партија од синоќа. Иако ова не е прв пат од почетокот на протестите властите да организираат контрапротести, овие најави доаѓаат во денови кога Србија сведочи на насилство и инциденти на улиците.

Видеата се објавени и по обраќањето на претседателот Александар Вучиќ во недела, 17 август, кога рече да се почека „три или четири дена, а потоа ќе следи силна реакција“.

Во последните денови имаше повеќе насилни инциденти на улиците низ Србија отколку во изминатите девет месеци протести. Снимките од полициска бруталност и изјавите на студентите за закани од полицајци предизвикаа нови протести, ноќ по ноќ, низ целата земја.

Претседателот Александар Вучиќ реагише на ваквите сцени објавувајќи дека државата формално и правно подготвува мерки за смирување на ситуацијата во земјата, без да прецизира што точно мисли.

Тој на прес-конференција рече дека во следните три или четири дена ќе изгледа дека државата се повлекла и дека во одреден момент ќе се види целосната решителност на државата и дека ќе искористи сè за да воспостави ред.