Горник Забже го освои Купот на Полска, откако во финалето славеше со 2-0 против Раков Ченстохова. Во центарот на вниманието беше ветеранот Лукас Подолски, кој со овој трофеј најави дека се ближи крајот на неговата богата кариера.

Иако е роден во Гљивице и има полско потекло, Подолски се одлучи да настапува за германската репрезентација, со која стана светски шампион во 2014 година. Во татковината се врати во 2021 година, кога од Анталијаспор пристигна во Забже и го облече дресот на клубот каде што е и ко-сопственик.

Кога пристигна, искусниот напаѓач најави дека во рок од пет години ќе донесе трофеј, а тоа го реализираше уште во третата сезона, која воедно најверојатно ќе биде и негова последна како активен фудбалер.

„Кога дојдов, кажав дека за три до пет години ќе освоиме нешто. Да се случи тоа во мојата последна сезона е навистина неверојатно. Купот е наш!“, изјави емотивниот Подолски по натпреварот.

За Гурник ова е прв трофеј по долга пауза, последен пат шампион на Полска беше во 1988 година, додека Купот го немаше освоено од 1972. Клубот има вкупно 14 шампионски титули, а ова е седми трофеј во националниот куп.

❗️ @Podolski10: Jak tu przychodziłem, powiedziałem Wam i chłopakom, że w ciągu 3-5 lat coś będziemy mieli w rękach. Że się to kur** udało w moim ostatnim sezonie… To jest niemożliwe. Mamy ten puchar! Puchar jest nasz! pic.twitter.com/pmGLES8bqc

— Meczyki.pl (@Meczykipl) May 2, 2026