Некои врски се создадени да го менуваат животот. За Весна Петрушевска, една од најпознатите македонски актерки, тоа е врската со нејзината ќерка Мина.

Токму затоа, на својот Инстаграм, Весна сподели емотивна и инспиративна порака за љубовта што ги држи заедно, дури и кога животот ги става пред предизвици кои изгледаат ненадминливи.

„Мина влезе во мојот живот не како мирна вода, туку како река што знае да надојде. Од првиот ден ме учи дека љубовта не е само галење и смеа, туку и стоење исправено кога се лизга земјата под нозете. Имаме премрежја — такви што те учат да не бегаш, туку да останеш. Имаме борби — не една против друга, туку заедно, рамо до рамо, дури и кога ни се чини дека сме сами. Има денови кога зборовите се тешки, а тишината уште потешка. Но нема ден без љубов. Таа е тука — во погледот што не се откажува, во раката што знае кога да пушти и кога да стегне. Мина ме учи дека мајчинската љубов не е совршена, туку храбра. Дека не мораш секогаш да победуваш — доволно е да останеш. И што и да носи животот, јас знам едно: низ сите бури, одиме напред — заедно. А тоа е љубов што не се крши“, напиша Весна.

Весна, Мина и Кирил ги посвои со својот поранешен сопруг Јанко Тренкоски. Иако денес не се заедно, тие со многу љубов се грижат за своите деца. Оваа емотивна порака исто така покажува колку силна е врската меѓу мајката и ќерката и како љубовта кон детето всушност е најголемата поддршка во животот.

ФОТО | Весна Петрушевска сподели фотографија од синот Кирил матурант: Убавец на мајка!

ВИДЕО | Весна Петрушевска со емотивна честитка за 20. роденден на ќерка ѝ: „Да те немаше, пак ќе те пронајдев и ќе беше моја!“

Ќерката на Весна Петрушевска 15 дена била „ни на небо ни на земја“, откако доживеала белодробен инфаркт во Дубаи