Виктор Вембањама беше исклучен по само четири минути игра, со што на некој начин ѝ „помогна“ на Минесота да стигне до победа од 114:109 во текот на изминатата ноќ. Со ова, Минесота ја израмни серијата на 2:2, иако малкумина очекуваа таков развој ако се земе предвид колку повредени играчи има тренерот Крис Финч.

Вембањама во борба за топка со лакт го удри Наз Рид во лицето, а по прегледувањето на снимката судиите проценија дека има елементи за исклучување.

Без него на паркетот, малкумина веруваа дека Сан Антонио може да остане конкурентен, но тимот сепак одигра солиден натпревар и загуби дури во драматична завршница. Најголем придонес дадоа бековите, Диарон Фокс и Дилан Харпер постигнаа по 24 поени, додека Стефон Касл додаде уште 20. Сепак, недостасуваше препознатливата дефанзивна сигурност што Спарс ја имаат кога Вембањама е под кошот.

Минесота ја предводеше Ентони Едвардс со 36 поени, Наз Рид уфрли 15, Џејден Мекдениелс додаде 14, а двоцифрен ефект имаа и Џулиус Рендл со 12, Руди Гобер со 11 и Ајо Досунму со 10 поени.