Францускиот кошаркар Матијас Лесор повторно се најде во фокусот на јавноста по гостувањето на неговиот Панатинаикос во Белград кај Црвена звезда, иако поради повреда сè уште не е подготвен за настап и не беше дел од составот на грчкиот тим.

Уште на самиот почеток од натпреварот, Лесор одговори со несоодветен гест на провокациите што доаѓаа од дел од домашната публика. Во текот на мечот немаше поголеми инциденти, но по неговиот крај атмосферата накратко се вжешти.

По краткиот поздрав со играчот на Црвена звезда, Чима Монеки, Лесор тргна кон тунелот, кога дојде до вербална расправија со лице кое го снимаше со мобилен телефон. Ситуацијата набрзо ескалираше со обид за физичка пресметка, но брзата реакција на тренерот на Црвена звезда, Саша Обрадовиќ, и спортскиот директор Небојша Илиќ ја спречи тензијата да прерасне во посериозен инцидент.

Видео од овој момент можете да погледнете – ТУКА.