Американскиот претседател Доналд Трамп го опиша ракетниот напад во Суми, во кој загинаа најмалку 34 луѓе и над 117 се повредени, како „ужасен“, но не ја осуди експлицитно Русија.

„Мислам дека е ужасно. Бев информиран дека  направиле грешка. Но мислам дека тоа е ужасна работа“, изјави претседтелот на САД пред новинарите на леталото „Ер Форс 1“.

Запрашан за оваа „грешка“, Трамп одговори: „Направија грешка (…) треба да ги прашате“, без да разјасни на кого се однесува.

“I was told they made a mistake.”

Donald Trump doesn’t miss an opportunity to justify and excuse war criminal Putin — this time after Putin’s army bombed the Ukrainian city of Sumy, killing 34 people, including two children, and injuring 117 others.
pic.twitter.com/etfzEUljF7

— Republicans against Trump (@RpsAgainstTrump) April 14, 2025

Претходно, Советот за национална безбедност на Белата куќа сметаше дека бомбардирањето ја нагласува потребата од преговори за ставање крај на војната, која избувна во февруари 2022 година.

„Ракетниот напад врз Суми е јасен и брутален потсетник зошто напорите на претседателот Трамп да стави крај на оваа ужасна војна доаѓаат во критичен момент“, рече Брајан Хјуз, портпарол на Советот за национална безбедност на САД.

Ниту Советот за национална безбедност на Белата куќа не ја обвини Русија за ракетниот напад, кој предизвика гнев кај голем дел од меѓународната заедница.

Најмалку 34 загинати во масакрот во Суми на Цветници, меѓу кои 2 деца – 117 лица се повредени