ВИДЕО: Тотенхем го „матираше“ очајниот Челси, дали ова е крај за менаџерот Грем Потер?
Фудбалерите на Тотенхем на домашен терен го победија Челси со 2:0, во лондонското дерби што се одигра во рамките на 25 коло од Премиер лигата.
И овој натпревар помина без менаџерот на Тотенхем, Антонио Конте, кој се опоравува од операцијата на жолчното кесе, но неговиот тим одигра токму како што тој посакува.
Челси е во голема криза, не му се гледа крајот и останува да се види дали менаџерот на лондонските „сини“ Грем Потер ќе „преживее“ до следното коло, со оглед на огромниот притисок од навивачите на клубот поради лошите резултати.
Стрелци на головите за Тотенхем беа Скип во 46 и Кејн во 82 минута.
Тотенхем се проби на посакуваното четврто место на табелата со 45 бодови и има четири бода повеќе, но и два меча повеќе од петтопласираниот Њукасл. Челси е дури на 10 позиција со 31 бод.