Франк Леао е уметничкото име на Антонио, таткото на ѕвездата на Милан и португалската репрезентација, Рафаел Леао. Тој сними музички спот посветен на Кристијано Роналдо, а видеото е реализирано на Мадеира, родниот остров на најпознатиот португалски фудбалер. Спотот беше објавен по повод 41. роденден на Роналдо кој Португалецот го прослави вчера.

Во спотот, Франк Леао пее за Роналдо низ места во Фуншал, неговиот роден град, а друштво му прават танчерки облечени во дресови на клубовите за кои легендарниот фудбалер настапуваше во текот на кариерата. Се редат кадри од заеднички и поединечни танци на симболични локации низ градот. пред статуата на Роналдо, во музејот посветен на неговите успеси, како и на фудбалското игралиште каде што ги направил првите чекори во спортот.