Пакистанските талибанци (ТТП) ја презедоа одговорноста за самоубиствениот напад во Исламабад утрово, во кој загинаа најмалку 12 лица, а 27 беа повредени, објави АФП.

„Денес, еден од нашите членови нападна суд во Исламабад“, соопшти групата во изјава за новинарите.

„Ќе бидат извршени напади против оние кои не донесуваат одлуки врз основа на исламскиот закон, оние кои ги извршуваат и оние кои ги штитат, сè додека шеријатот не преовлада низ целата земја“.

„Кога го паркирав автомобилот и влегов во комплексот… слушнав силна експлозија на влезот “, рече адвокатот Рустам Малик.

CCTV captures exact moment of Islamabad Suicide Blast, PAKISTAN 📍

Video shows the suicide attacker detonating himself near a police vehicle in Islamabad. The explosion caused massive damage in the vicinity. pic.twitter.com/QfjxfZCXnv

— You (@sujalsingh_x) November 11, 2025

„Беше апсолутен хаос, адвокати и граѓани трчаа во комплексот. Видов две тела како лежат близу вратата, а многу автомобили гореа“, додаде адвокатот, еден од сведоците што разговараше со АФП.

Безбедносните сили ја опколија областа, во која се сместени на многу владини канцеларии.

Исламабад се смета за релативно безбеден град во споредба со остатокот од земјата, а последниот напад таму се случи во декември 2022 година.

Министерот за внатрешни работи изјави дека самоубиствениот напад во Исламабад се случил еден ден по нападот врз училиште во северозападната покраина Хајбер Пахтунхва , која се граничи со Авганистан.

„Три лица се убиени во овој напад, сторителот бил Авганистанец“, изјави денес министерот, обвинувајќи го „Авганистан за директна вмешаност“.

Пакистан и Авганистан се судрија кон средината на октомври со необичен интензитет, главно по должината на нивната граница. Според Обединетите нации, убиени се повеќе од 70 лица, вклучувајќи околу 50 авганистански цивили.

ВИДЕО | Експлозија пред суд во Исламабад, најмалку 12 загинати