Street Workout Macedonia на 17 мај за првпат во Македонија ќе организира Државно првенство во калистеникс. Настанот ќе започне во 12:00 часот, а сите натпреварувачи ќе се борат за вкупен награден фонд од 12.650 евра.

Сите заинтересирани кои сакаат да земат учество на првото државно првенство може тоа да го направат преку нивниот e-mail ([email protected]), а организаторите ги повикуваат сите љубители на калистениксот и уличното вежбање да бидат дел од овој спортски спектакл.

Зад организацијата стојат младите ентузијасти Горазд Зафировски, Филип Ваневски и Давид Ѓоргоќески, кои преку Street Workout Macedonia работат на популаризација на калистениксот и уличното вежбање во земјава.

Организацијата Street Workout Macedonia иако постои нешто помалку од две години, веќе има искуство со организирање на групни тренинзи, натпревари и хуманитарни активности, а нивната цел е калистениксот да добие уште поголемо внимание и во иднина да се организираат државни и балкански првенства во поголем обем. Поради нив Скопје и Македонија доби и два професионални калистеникс паркови кои се наоѓаат во Општина Аеродром и Козјак.

 

View this post on Instagram

 

A post shared by Street Workout Macedonia 🇲🇰 (@_streetworkoutmacedonia_)