Maнчестер Сити многу потешко од очекуваното дојде до победа (1:2) против Вулверхемптон во рамките од осмото коло во Премиер лигата.

Пеп Гвардиола по повредите на Родри и Де Брујн има проблеми со составот, а тоа можеше да се види и на теренот. Во денешниот натпревар „граѓаните“ до победата дојдоа со гол во последните моменти од натпреварот кога погоди Џон Стоунс.

Вулверхемптон прв дојде до водство откако Ларсен ја искористи асистенцијата од Семедо и ја смести топката во мрежата. Убав гол за израмнување постигна Хрватот Јошко Гвардиол кој така стана дефанзивецот со најмногу голови во 2024 година.

Имаше поголема иницијатива Манчестер Сити во второто полувреме, меѓутоа победничкиот гол го постигнаа дури во петтата минута од судиското продолжение.