Се сеќавате ли на опасниот старт на Најџел де Јонг врз Чаби Алонсо во финалето на Светското првенство во 2010 година во Јужноафриканската Република? Тогаш Шпанија со голот на Андрес Иниеста ја совлада Холандија и стана светски првак, а фудбалската јавност остана шокирана од бруталниот врз тогашниот играч за врска, а денес тренер на Реал Мадрид.

Слична сцена можевме да видиме и синоќа во француската Лига 1, на натпреварот меѓу Монако и Лион. „Лавовите“ славеа на гостувањето со 3-1, но резултатот падна во втор план поради неверојатниот фаул кој го направи фудбалер на домашниот тим.

Главен актер беше Мамаду Кулибали од Монако, кој со високо подигната нога и опасен старт го удри противникот во пределот на главата и вратот. Судиската одлука беше очекувана, директен црвен картон за еден од најгрубите прекршоци сезонава во францускиот шампионат.

🤯 Terrible entrada de Coulibaly contra Nicolás Tagliafico. Con criminal me quedo corto, evidentemente Mamadou se fue expulsado y dentro de todos los escenarios posibles el argentino salió bien librado de esa acción. #ASMOL pic.twitter.com/jvO1rSqo5Y

— Sebastian Diagama (@SebastianDiaga2) January 3, 2026

Преземено од: Спорт.ком.мк