Српскиот контровезен политичар Срѓан Ного денеска објави исечоци од снимки на таткото на Вања Ѓорчевска и полициски инспектори. Тоа отвори нови прашања за убиството на 14-годишната Вања Ѓорчевска и 74-годишниот Панче Жежовски.

Десничарот Ного најавува дека утре ќе објави снимки од грабнувањето на Вања Ѓорчевска, пред и по киднапирањето.

Во видео најавата, тој објави тонски запис, а за утре најави цела снимка од разговор меѓу таткото на Вања и инспекторите во МВР.

Контроверзниот српски политичар тврди дека токму таткото на Вања, а не полицијата, ги открил, поврзал и го решил случајот со исчезнувањето неговата ќерка и Панче.

Тој на својиот профил Х упатува прашања до министерот Оливер Спасовски и до обвинителот Гаврил Бубевски. „Зошто инспекторите во МВР уште на 29 ноември се распрашувале дали Љупчо Палевски Палчо и Александар Ѓорчевски се познаваат и дали биле во контакт? На 29 ноември никој не бил приведен, ниту пак телата на Вања и на Панче биле пронајдени“.