Крадци вооружени со чекани го скршиле предниот излог на златарница во западен Лондон пред да избегаат со бројни скапоцености додека персоналот се обидувал да ги спречи.

Видео кое стана вирално на социјалните мрежи покажува двајца мажи маскирани и со качулки кои со чекан го кршат стаклото од излогот на златарницата „Грегори и Ко“ во Ричмонд пред да го извлечат оштетеното стакло.

Додека ги собираат предметите во сина ќеса, еден член на персоналот се обидува да им се спротистави со мала кутија, додека друг се обидува да ги извади предметите од излогот и да ги врати во продавницата. Потоа мажите бегаат кон Ричмонд Грин.

Полицијата апелираше да се јаваат сведоци на кражбата за која се вели дека се случила околу 10:30 часот по Гринич во саботата.