Во светот на високата мода чудните и навидум грди модни комбинации, станаа составен дел од колекциите на најпознатите модни брендови. Затоа, инцидентот што се случил за време на Модната недела во Њујорк не е претерано изненадувачки.

Имено, на видеото кое се сподели на социјални мрежи може да се забележи маж облечен во проѕирна кеса за ѓубре и капа за туширање како упаднал на ревија, за време на Модната недела во Њујорк.

На почетокот никој не сфатил дека тој е натрапник, сè додека обезбедувањето не го тргнало од пистата. Носејќи проѕирна кеса за ѓубре на телото како костим, тој чекорел по пистата воодушевувајќи ги присутните. За момент погледнал зад себе, со неверување дека неговиот потфат поминал без проблем.

Но, штом членовите на обезбедувањето го забележале натрапникот, еден од нив истрчал да го тргне од пистата, за да можат моделите да продолжат со шоуто според планираното.

На видеото реагираа и корисниците на социјалните мрежи. Некои рекоа дека неговиот стил на облекување го исмева шоуто, додека други го нарекоа неговиот настап „неверојатен“.

Во продолжение погледнете го видеото:

An imposter wore a trash bag and did the catwalk at Fashion Week

Nobody in the crowd even noticed pic.twitter.com/L00b1VXU50

— End Wokeness (@EndWokeness) September 12, 2023

ФОТО | Диско кралица: Блејк Лајвли блесна во златен комбинезон на Модната недела во Њујорк

ФОТО | Сè уште доминира: Хали Бери се појави во „вамп“ издание на Модната недела во Њујорк