ФОТО | Диско кралица: Блејк Лајвли блесна во златен комбинезон на Модната недела во Њујорк
Американскиот моден дизајнер Мајкл Корс ја претстави својата пролет/лето колеција за 2024 година на актуелната Модна недела во Њуjорк, која почна на 7 септември, а ќе заврши утре – 13 септември.
Модните ревии на Корс, традиционално, се посетени од голем број познати дами. Актерката Блејк Лајви, речиси, никогаш не ја пропушта приликата да ги разгледа неговите креации на модните настани.
Токму таа воодушевила со својот изглед. Имено, актерката облекла спектакуларен комбинезон со потпис на Корс. Ова модно парче, со прерамки и широки ногавици во вид на ѕвоно, било сошиено со ситни златни светки што направиле Лајлви да изгледа како диско кралица на модна ревија.
Како модни додатоци, таа избрала беж коланче и чанта во слична нијанса. Целата комбинација ја надополнила со прекрасно волнено палто во истата боја, исто така со потписот на Корс.