ВИДЕО | Снуп Дог и Кели Кларксон ќе ја водат Американската Евровизија
Раперот Снуп Дог и пејачката Кели Кларксон ќе бидат водители на Натпреварот за песна на Америка, кој настана по пример на Евровизија.
Натпреварот ќе биде пренесуван на американската мрежа NBC. Почетокот на шоуто e во март, а големото финале е предвидено за 9 мај. На настанот ќе учествуваат изведувачи, солисти, дуети или групи од сите педесет американски држави.
View this post on Instagram
Снуп Дог по повод настанот, изјави:
„Чест ми е што ќе го водам овој Натпревар за песна на Америка со својата „сестричка“ Кели Кларксон“
Кларксон е победничка на првото издание на Американскиот идол за 2002 година, која стана една од најуспешните американски пејачки, со две Гремија и милион продадени албуми.
„Фан сум на концептот за Евровизија и воодушевена сум што овој музички феномен доаѓа и во Америка. Возбудена сум што ќе работам со Снуп Дог и не можам да дочекам да ги видам сите држави со свој изведувач“.
Едно од најголемите ТВ случувања на светот
Евровизија е едно од најголемите шоуа што го „тресе“ светот. Тоа е како „олимписки спорт“ каде сите натпреварувачи се борат за златниот медал, според Андерс Ленхов, продуцентот на „Амеровизија“.
„Натпреварувањето за песна на Америка ќе биде прикажувано на телевизија, не само како тв шоу туку и како отворена можност за сите музичари, независно дали се аматери или имаат договор со издавачка куќа“ – изјави тој.