Познатиот српски актер Милош Биковиќ во вторникот го доби синот Василиј со својата долгогодишна девојка Ивана Малиќ.

На актерот ова му е прво дете, па не ја пропушти можноста да организира прослава која ќе трае до зори , како што е вообичаено во српските семејства.

Покрај гордиот татко, до зори славеле голем број актери меѓу кои Миодраг Радоњиќ, Тамара Драгичевиќ, Нина Јанковиќ, Јелисавета Орашанин и многу други.

Забавата траела до зори, а бидејќи сите биле многу весели, решиле дел од атмосферата да споделат на социјалните мрежи. Така, на видеото кое е објавено на Инстаграм се гледа расположениот татко Милош со врзана маица околу главата и чаша виски во раката.

Aктерот пред неколку дена гостувајќи во емисијата „Поп ток“ откри дека нема да се откаже од животот и дека со семејството ќе живее на релација Белград-Москва.

– Планирам да го малтретирам семејството со авион, ваму – таму. Мојот живот е мојот живот. Не можам да се откажам од некои работи што ги создавам цел живот, ќе гледам да ги оптимизирам и да фрлам уште една непозната во таа равенка. Отсега не можам да одам никаде, би полудел. На детето не му треба луд татко. Треба да најдеме рамнотежа – изјавил Биковиќ.

– За мене Ивана и семејството значат сидро. Тоа е некако противтежа на сета моја лудост – заврши Биковиќ.

ФОТО | Девојката на Милош Биковиќ го покажа трудничкиот стомак: Адвокатката изгледа прекрасно