Организацијата „Мис Универзум“ се соочува со уште еден скандал пред својот 74-ти годишен избор за убавина. Новиот избор се одржува во главниот град на Тајланд, но настанот беше нарушен со скандал уште од самиот почеток, пишува „Ју-ес-еј Тудеј“.

За време на официјалната церемонија на доделување на лентите, се случи вербална расправија помеѓу претседателот на натпреварот, Навато Ицарагрисил и мексиканската претставничка, што доведе до протест и широка осуда за тоа како беше третирана 25-годишната Фатима Бош, Мис Универзум Мексико.

Nawat Itsaragrisil, director of the MGI pageant, faces criticism after publicly reprimanding and asking security to remove Miss Mexico from sash ceremony in Thailand.

Several delegate walked out in solidarity with Fátima Bosch. pic.twitter.com/XttGvHgoKZ

— Pop Crave (@PopCrave) November 4, 2025

Целиот конфликт се случи пред сите, бидејќи настанот беше емитуван во живо на официјалната Фејсбук страница на натпреварот.

 

View this post on Instagram

 

A post shared by @missuniversethailand

Претседателот на натпреварот јавно го доведе во прашање отсуството на мексиканската натпреварувачка од снимањето за спонзорство одржано претходно истиот ден и ја замоли да стане и да го објасни своето отсуство пред камерите.

 

View this post on Instagram

 

A post shared by Fatima Bosch (@fatimaboschfdz)

За време на разговорот, тој ја нарече „глупава“, а мексиканската претставничка реагираше на неговите зборови, по што Ицарагрисил го повика обезбедувањето и им нареди да ја отстранат од салата.

Грубиот однос на потпретседателот на организацијата „Мис Универзум“ за Азија и Океанија и претседателот на натпреварот „Мис Гранд Интернешнл“ ги налути не само Мексиканката, туку и другите натпреварувачки, кои ја напуштија салата заедно со Фатима Бош во знак на поддршка.

Моментот кога десетици модели станаа и ја напуштија просторијата брзо стана вирален, а многумина го нарекоа „најмоќниот чин во историјата на Мис Универзум“.

Откако ја напушти салата, Фатима застана пред медиумите и во кратка изјава рече:

„Навистина го сакам Тајланд, ги почитувам сите, мислам дека се прекрасни луѓе. Но, она што го направи претседателот беше непочитување. Ме нарече глупава. Не е фер – јас сум тука, ги следам правилата, не повредувам никого. Се обидувам да бидам љубезна и да дадам сѐ од себе“, рече таа емотивно, нагласувајќи дека е важно светот да види што се случило.

„Ние сме овластени жени и ова е платформа за нашите гласови. Никој нема да нè замолчи“, додаде таа, проследена со громогласен аплауз во знак на поддршка од присутните.

Актуелната Мис Универзум, Викторија од Данска, исто така застана во нејзина одбрана и го напушти настанот.

Дека инцидентот навистина се случил за време на официјалната церемонија на доделување ленти, потврди словенечката претставничка Хана Клаут во својата инстаграм-приказна. Иако не коментираше детално за ситуацијата, таа откри дека натпреварувачките ги добиле своите ленти подоцна во текот на денот на заедничко патување со брод.