Фудбалерите на Штутгарт денеска го победија Ајнтрахт Франкфурт со 3:2 на домашен терен, во натпреварот од 17 коло од Бундеслигата.

Расмус Кристенсен му донесе предност на Ајнтрахт со гол во петтата минута, а Ермедин Демировиќ израмни за Штутгарт со гол во 27 минута.

Дениз Ундав му донесе водство на Штутгарт со гол во 35 минута, а Ајуб Амајмуни израмни за Ајнтрахт со гол во 80 минута.

Николас Нарти го постигна победничкиот гол за Штутгарт во 87 минута од натпреварот. Штутгарт е трет на табелата во германскиот шампионат со 32 бода, додека Ајнтрахт е седми со 26 бода.

Во вторникот се одиграа уште два меча, Борусија Дортмунд – Вердер Бремен 3:0 и Мајнц – Хајденхајм 2:1, додека натпреварот Хамбургер СВ – Баер Леверкузен е одложен поради безбедносни проблеми околу снегот и мразот во северна Германија.