Дека шармот на Енрике Иглесијас  е тешко да одолеат жените ширум светот, покажува и видеото кое пејачот неодамна го реобјави, а кое со огромна брзина се прошири на социјалните мрежи. Славниот латино пејач отсекогаш бил познат по исклучително блискиот однос со својата публика, но се чини дека некои обожавателки во моменти на еуфорија целосно ги забораваат границите.

Имено, на видеото јасно се гледа како една обожавателка ја искористи приликата и буквално го „нападна“ пејачот, кој на крајот „ја прифати играта“.

Ваквите сцени за Енрике не се ништо ново. Во текот на својата долгогодишна кариера доживеал сè, од фрлање долна облека на сцената, до страсни бакнежи во уста со непознати жени кои едноставно одбиваат да го пуштат својот идол. Виралната снимка, очекувано, веднаш предизвика лавина реакции на социјалните мрежи.

Секако, во целата приказна повторно се отвори и едно неизбежно прашање, што на сето ова вели Ана Курникова? Славниот пејач и поранешната руска тенисерка се во среќна врска повеќе од дваесет години и заедно имаат четири деца.

Иако и двајцата се трудат приватниот живот строго да го држат подалеку од очите на јавноста, многу фанови често се прашуваат како Ана ги толерира ваквите испади на занесени обожавателки. Судејќи според нивната долгогодишна врска, се чини дека тајната е во огромната меѓусебна доверба и фактот дека и двајцата се свесни дека, на крајот на денот, сето тоа е само дел од работата.