Поранешниот младински репрезентативец на Македонија, Сефер Емини, беше човекот на одлука во триумфот на Сондерјиске во 31. коло од плеј-офот во данската Суперлига.

Сондерјиске славеше минимална победа од 1-0 на гостувањето кај Виборг, а херој на натпреварот беше токму македонскиот интернационалец. Емини го постигна единствениот погодок на средбата во 49. минута и му донесе големи три бода на својот тим. За македонскиот фудбалер ова беше втор гол сезонава во данскиот шампионат.

Тој беше дел од стартниот состав и на теренот остана до 71. минута, кога беше заменет, додека репрезентативецот Лирим Ќамили доби шанса од клупата и влезе во игра во истиот период кај гостинската екипа.