Возило на Здравствен Дом Куманово пред околу еден час се запали при транспорт на пациент од Скопје во Куманово. Во возилото биле само пациентот и возачот и двајцата се во добра состојба.

Директорот на Здравствен Дом Куманово, Фарук Алили за „Слободен печат“ вели дека пациентот веднаш бил отстранет од возилото уште кога возачот забележал чад.

– Пред околу час и половина возилото се врати од транспорт на пациент од Скопје. Возејќи, одеднаш видел дека дими. Застанало возилото, тргнат е веднаш пациентот со оглед на тоа што биле во близина на неговата куќа кога почнало да дими.

Имаме и други возила во итната помош но, ова е првпат да се случи вакво нешто. Сите возила се осигурани каско. Нон-стоп се сервисирани и контролирани, не е јасно од што се случил инцидентот.

Возачот е во добра состојба, изјави Алили за „Слободен печат“.

Видеото погледнете го овде, на Фејсбук страницата на Лајм.