Во рамките од 18 коло во најсилното шпанско фудбалско првенство екипата на Реал Мадрид триумфираше на гостувањето кај Алавес со 1:0.

Од 54 минута „кралевите“ играа со фудбалер помалку поради црвениот картон на Фернандез.

Алавес не ја искористи ваквата предност на теренот, а во 92 минута играчите на Карло Анчелоти дојдоа до победата со голот на Лукас Васкез по асистенцијата на Крос.

Жирона која е вистински хит сезонава во „Ла Лига“ овојпат ремизираше кај Бетис со 1:1.

По првото полувреме водеше Жирона со голот на Довбик од пенал во 39 минута. Домаќините го избегнаа поразот во 88 минута преку Пецела, асистент беше Карваљо.

Сега на табелата Реал Мадрид (39:11) го дели врвот со Жирона (42:21) со по 45 бодови, а Барселона е на третата позиција со 38.

Во четвртокот се одиграа уште два натпревари: Кадиз – Реал Сосиедад 0:0 и Мајорка – Осасуна 3:2.