ВИДЕО | Потона најголемиот брод на иранската морнарица
Пожар избувна на брод на иранската морнарица во близина на пристаништето Јаск во Оманскиот Залив, но целиот екипаж успеа безбедно да се симне, објави новинската агенција Фарс, пренесувајќи соопштение на морнарицата.
– Во тек е гаснење на пожарот, се наведува во соопштението и се додава дека пловниот објект бил во мисија за обука.
Причината за пожарот не е позната.
Во април, Иран соопшти дека еден од неговите пловни објекти, Савиз, бил мета на Црвеното Море, по извештаите на медиумите дека бродот бил нападнат.
Тоа беше последен во низата напади врз израелски и ирански товарни бродови од крајот на февруари за кои двете земји се обвинуваат едни со други.
BREAKING 🚨 Largest ship in the Iran’s navy “Kharg” caught fire and sank in the Gulf of Oman pic.twitter.com/Rs5oZUI3B0
— Insider Paper (@TheInsiderPaper) June 2, 2021